[dehai-news] ዓለም

From: Dawit Gebremichael Habte <goblel_at_hotmail.com_at_dehai.org>
Date: Fri, 24 May 2013 18:55:32 -0400

ዓለም
ብኤፍሬም እምሃጽዮን ገብረመድህን

ዓለም እወ እዛ ዓለም ብዙሕ ሱራ
መልክዓ ኣይፍለጥ ቁም ነገራ
እንተቐረብካያ ወዮ ከይትርሕቃ ወዮ
ሃርጋፍ ሸውሃታ ካላእ ትነበዮ

             ልዋም ከሊኣቶ ንፉጡራ
             ድሌታ ኣይፍለጥ በዚሑ ቀብጠርጠራ
             ክልተ መልክዕ ሂባትና ኣጽሊኡና
ምፍጣራ

ርኢና'ወ እዝጊ ኣርኢዩና
ሰሚዕና'ወ እዝጊ ኣስሚዑና
ሃገር ክንስና ከሕቁቑና
መንግስቲ ክንስና ክኹኑኑና
እንታይ ሽግርኪ ዓለም ኩሉሳዕ ተዳልውና

             ንሶም ኣብ እምባ ንሕና ኣብ ሩባ
             ብዝመጸ ክንጽፋዕ በዚሑ ለኻዕኻዕ
             መርገም'ዶ ክንብሎ ምርቓ
             ድብንግር ዝበዝሖ ዘይግላህ ጣቓ

ሕልሞም ዘይክሰት ኩሉሳዕ ጥልመት
ጥሞሖም ገዚፍ ማሕልኦም ክሕደት
ስስዐ ገበትኦም ቀልበስቲ እምነት

             እንታ'ዩ ብልሓቶም ናበይከ ኣንፈቶም
             መበገሲኦም ኣይፍለጥ
መወዳእቶኦም ኣይስሉጥ
             ዝኣልምዎ ዘይፍለጥ
             ወርትግ ዘይእርነብ እናሓደረ
ዝግሕምጥ

ቅድመ ግንባሮም ኴና ዕንደርኦም መፈተኒ
ንሶም ክሃሉ ኣብ ዝባንና ዓለም ንሕና
ኴንናኪ ጓና
ፍለጥዮ'ባ እቲ ኩቡር መስዋእትና
ንኽንነብር'ዩ ተኸፊሉ ከነውሕስ መሰልና

             ንሕናዶ ዳግም ንክሓድ
             ንምክት ደኣምበር ነይንጻዓድ
             ወይልኻ ግን ኣንታ ኽርዳድ
             ወይልኺ'ውን ኣንቲ ዓለም ሓሳድ

ዘመን ዲዩ ኮይኑ ንወድሴ-ንወዳድሴ
ፍጡራት ክንስና ከምኦም ደቂ ኣርኣያ ስላሴ
ቡራኬ ሰይጣን ኣጸልሚትካ ቅዳሴ
ነውራም ደግሲ ኣብ ዕድመ እርጋኑ ዝተመልሰ

             ዓለም ንሕና ኴናኪ ጓና
             ዓለም ዶጊሕኪ'ዶ መንነትና
             ዓለም ፍትሒ'ዶ ጠቕሚ መንኩም'ዩ
ጸላኢና
             ዓለም ሩኹባት ኣይትሓባብሊ
ስምዕዮ ድምጽና

ኣቦይ ቀሺ ዝበልዕዎ ሕምቶ ነደይ ኢታይ
የጉስዐን
ንሕናኸ ኣብ ምንቲ መነመን
ካን ዲና ክንባተኽ ኣንቲ ዓለም ዘይትእመን

ዘልኣለማዊ ዝኽሪ ንስዉኣትና!!
ዓወት ንሓፋሽ!!

Received on Fri May 24 2013 - 19:27:51 EDT