Date: Thu, 17 Sep 2015 23:56:00 +0200
ኣቶ መኮነን ተስፋይ ድምሕት 25 ኣባላት ማእከላይ ኮሚቴ ዝሓዘ`ዩ፡ ካብኦም ከኣ ወላ ሓደ ምስ ኣቶ ሞላ ዝኸደ የለን ይብል
ኣቦ-መንበር ደምሕት ዝነበረ ኣቶ ሞላ ኣስገዶም ፡ምስ ዝተወሰኑ ኣባላቱ ብሱዳን ጌሩ ናብ ኢትዮጵያ ድሕሪ ምእታዉ፡ ብኽልቲኦም ወገናት ዝወሃብ ዘሎ ርኢቶታት ዝተረሓሓቐ `ዩ። ኣቶ ሞላ ትማሊ ኣብ ዝሃቦ ጋዜጣዊ መግለጺ፡ ኣብ ኤርትራ ከም ደምሕት ዝተወደበን ዝዓጠቐን ውድብ ከምዘየለን፡ ናይ በዓል ዶ/ር ብርሃኑ ነጋ መሪሕነት ንስእልን መለምኒ ግንዘብን ጥራሕ ከምዘገልግልን ተዛሪቡ ኔሩ።
ትማሊ ካብ ኣቶ ሞላ ዝሰማዕናዮን ካልእ ሓዲሽ ምዕባለታትን ኣሎ እንተኾይኑን መሰረት ዝግበረ ቃለ-መጠይቕ ምስ ምኽትል ኣቦ-መንበር ደምሕት ኣቶ መኮነን ተስፋይ ተኻይዱ`ሎ።