Date: Fri, 19 Feb 2016 21:08:54 +0100
(ዘ-ሐበሻ) በአምቦ ከፍተኛው ተቃውሞ በቀጠለበት በዚህ ወቅት በከተማዋ የሚገኘው እስር ቤት በ እሳት እየነደደ መሆኑን የዘ-ሐበሻ ምንጮች አስታወቁ::
በተለምዶው ቀበሌ 06 ተብሎ በሚጠራው አካባቢ የሚገኘው ይኸው የፖለቲካ እስረኞች ማሰቃያ እስር ቤት ውስጥ ከኦሮሞ ሕዝብ ንቅናቄ ጋር በተያያዘ የታሰሩ በርካታ ወገኖች እንደደሚገኙበት ምንጮች አስታወቀዋል::
በአምቦ ከተማ በአሁኑ ወቅት የጥይት እሩምታ እየተሰማ ሲሆን ከዚህ እስር ቤት እስረኞች ያምልጡ አያምልጡ ዘ-ሐበሻ እያጣራች ትገኛለች:: ይህ ዜና እስከተጠናቀረበት ጊዜ ድረስም በ እስረኞች ላይ ከባድ ጉዳት ስለመድረሱ የታወቀ ነገር የለም:: ሆኖም ግን እሳቱ እየተዛመተ ባለበት ወቅት እንኳ እስረኞቹ እሳት እንዳያጠቃቸው ከቦታ ቦታ ለማዘዋወር ከበላይ ት ዕዛዝ ካልመጣ በስተቀር የአካባቢው ፖሊሶች ፈቃደኛ እንዳልሆኑ ይነገራል::
********************************************************************************
በአደባባይ ተሰቅሎ ዓመታት ያስቆጠረው የመለስ ዜናዊ ፎቶን የያዘው ትልቅ ፖስተር በዶዶላ ተቃጠለ
Friday, February 19th, 2016
(ዘ-ሐበሻ) ጃንዋሪ 3 ቀን 2016 ዓ.ም በሰላሌ በሟቹ ጠቅላይ ሚኒስትር መለስ ዜናዊ ስም የተመሰየመው ፓርክ ሰላሌ ውስጥ በሰልፈኞች ተቃጥሎ ወድሞ ነበር:: ዛሬ ደግሞ ከዶዶላ የመጡ መረጃዎች እንደሚያሳዩት ጠቅላይ ሚኒስተሩ ከሞቱ ጊዜ ጀምሮ በከተማዋ ተሰቅሎ የነበረውና የሚያወርደው ጠፍቶ የነበረው ትልቅ ፖስተር በከተማዋ ተቃውሞ በተደረገበት ወቅት ሰልፈኞቹ ፖስተሩን አውርደው በ እሳት አንድደውታል::
የአቶ መለስ ፎቶ ተሰቅሎበት የነበረው ቢልቦርድ ላይም የኦነግ ባንዲራን ሰልፈኞቹ ሰቅለውት ነበር::
ፎቶው ሲቃጠል የተነሳውን ፎቶ ይመልከቱ::