Date: Wed, 18 May 2016 00:37:44 +0200
ካብ ኢትዮጵያ ካብ ቃፍታ ሑመራ፡ ሓረስታይ ኣቶ የማነኣብዝጊ “ ህዝብና ካብ መንግስቲ ረድኤት መግቢ ስለዝሰኣነ፡ ገለ ዝብላዕ እንተረኸበ ብዝብል ናብ ልማዳዊ ምእራይ ወርቂ እንተወፈረ፡ ናይ መንግስቲ ዕጡቓት ገፊፎም ናብ ቤት ማእሰርቲ ብምእታው ቀጥቂጦም ገንዘብና ኣሕዲጎም የፋንውና`ለዉ” ብምባል ንብዓት እናሰዓሮም ይዛረቡ።
ዋሽንግተን —
ወ/ሮ መኣዛ ዝተባህለት ኣደ ብወገና፡ በዓልቤታ ቆልዑ ብጥምየት ካብ ዝሞቱ ገለ ንቐለብ እንተረኸበ ብዝብል ናብ ወርቂ ምእራይ ከምዝኸደ፡ እንተኾነ ቀጥቂጦም፡ ኣሲሮም ሓደ ሺሕ ቅርሺ ቀጺዖም ከምዘባረርዎ ብምረት ትገልጽ። ካብ መንግስቲ ረዲኤት ረኺቦም ከምዘይፈልጡ`ውን ይገልጹ።
ነቲ ኩነታት ንምጽራይ ድምጺ ኣሜሪካ ክፍሊ ትግርኛ ካብ ሰበ-ስልጣን መንግስቲ ኢትዮጵያ ኾነ ካብ ሓለፍቲ ክልል ትግራይ ምላሽ ንምርካብ ዝገብሮ ፈተነ ምላሽ ኣብ ዝረኸበሉ ግዜ ከቕርቦ`ዩ።
ምስ ክልተ ነበርቲ ሑመራ ዝተኻየደ ቃለ-መጠይቕ ኣብ`ዚ ምስማዕ ይክኣል።
http://av.voanews.com/clips/VTG/2016/05/17/e351af60-fa1d-411f-9975-1ce32aa3634a.mp3