Dehai News

Tigrigna.VoaNews.com: ምጉት ኣባላት ባይቶ ጸጥታ ኣብ ውሳነ ማዕቀብ ኤርትራን ሶማልያን

Posted by: Berhane Habtemariam

Date: Friday, 17 November 2017

ምጉት ኣባላት ባይቶ ጸጥታ ኣብ ውሳነ ማዕቀብ ኤርትራን ሶማልያን

ሕዳር 17, 2017
  • ተወልደ ወልደገብረኤል

ባይቶ ጸጥታ ሕቡራት ሃገራት ዝሓለፈ መዓልታት ብዛዕባ ምንዋሕ ኣብ ልዕሊ ኤርትራ ዝተነብረ ማዕቀብ ክዝቲ ድሕሪ ምቕናይ ዝሓለፈ ሰሉስ ንተወሳኺ ሓደ ዓመት ክናዋሕ ወሲኑ`ሎ። እቲ ብ11 ድጋፍን ብ4 ድምጸ ተዓቅቦን ዝሓለፈ ውሳነ ኣብ ገለ ወቕቲ ናይ`ዚ ዓመት ድማ ዳግማይ ክርኤ ዝብል ነጥቢ`ውን ኣለዎ።

“ባይቶ ጸጥታ ንመጀመርያ ግዜ ኣብ`ቲ ውሳንኡ ኤርትራ ንኣልሸባብ ዘይምድጋፋ ኣፍልጦ ሂቡ`ሎ” ይብል ነቲ ውሳነ ዘስሞአ ፕረሲደንት`ቲ ባይቶ ኢጣልያዊ ሰባስቲያኖ ካርዲ።

 

ወኪል ኣሜሪካ ብወገና፡ ንሓዲሽ ጽምዶ ኤርትራን ኣሜሪካን ነመጉስ ድሕሪ ምባል፡ ኤርትራ ንተቖጻጻሪ ጉጅለ ክኣቱ ክተፍቅደሉ ጸዊዓ። ሩስያ ብወገና፡ ኤርትራ ንዞባዊ ዕጡቓት ትድግፍ ዝብል ግን ካልኦት ኣብ`ቲ ዞባ ዘለዋ ሃገራት`ውን ከምኡ ከምዝገብራ ተቖጻጻሪ ጉጅለ ሓቢሩ`ዩ ድሕሪ ምባል “ንኤርትራ ጥራሕ ምጥቃን ፍትሓዊ ኣይኮነን” ኢላ።

ካልኦት ከም ቻይናን ግብጽን ዝበላ ሃገራት ነቲ ኣብ`ቲ ማዕቀብ ዘለወን ተቓውሞ ዘስምዓ ክኾና ከለዋ፡ ከም እንግሊዝ ኣሜሪካን ከምኡ`ውን ኢትዮጵያን ዝበላ ድማ ነቲ ማዕቀብ ድጋፈን ኣስሚዐን ኣለዋ።

እቲ ውሳነ ማዕቀብ፡ ኣብ መጀመርያ ሽዱሽተ ወርሒ ዳግማይ ክርኣይ ትጽቢት ኣለዎ።

ምሉእ ትሕዝትኡ ኣብ`ዚ ምስማዕ ይክኣል።

https://tigrigna.voanews.com/a/4118953.html

 

 

7ይ ክፋል: ማዕበል ስርሒት ፈንቅል - የካቲት 1990 - ሰነዳዊት ፊልም| sirihit fenkil 1990 - part 7 - ERi-TV Documentary

Dehai Events