Dehai News

Dahabshiil long banner 728x90
Eritrea for mobile viewing

DW.com: የኤርትራ መንግሥት ከፍተኛ ባለሥልጣናት ኢትዮጵያ ገቡ

Posted by: Berhane.Habtemariam59@web.de

Date: Tuesday, 26 June 2018

የኤርትራው ፕሬዝዳንት ኢሳያስ አፈወርቂ አማካሪ አቶ የማነ ገብረአብ እና የውጭ ጉዳይ ሚኒስትሩ ኦስማን ሳሌሕ አዲስ አበባ ገቡ። ጠቅላይ ምኒስትር አብይ አሕመድ ለእንግዶቹ ጉንጉን አበባ ከአንገታቸው አጥልቀው ተቀብለዋቸዋል።

በውጭ ጉዳይ ሚኒስትር ኦስማን ሳሌሕ የተመራ የኤርትራ የልዑካን ቡድን አዲስ አበባ ገባ። ጠቅላይ ሚኒስትር ዐብይ አሕመድ በቦሌ ዓለም አቀፍ አውሮፕላን ማረፊያ በመገኘት ለፕሬዝደንት ኢሳያስ አፈወርቂ አማካሪ አቶ የማነ ገብረአብ እና ለውጭ ጉዳይ ሚኒስትር አቶ ኦስማን ሳሌሕ ጉንጉን አበባ ከአንገታቸው አጥልቀው ተቀብለዋቸዋል። ከጠቅላይ ሚኒስትሩ በተጨማሪ የውጭ ጉዳይ ሚኒስትሩ ዶክተር ወርቅነሕ ገበየሁ፣ አቶ አሕመድ ሽዴ፣ ዶክተር አርከበ እቁባይ እና የጦር ኃይሎች ምክትል ጠቅላይ ኤታማዦር ሹም ጀነራል ብርሀኑ ጁላ ገለልቻ በአቀባበል ሥነ-ሥርዓቱ ላይ ተገኝተዋል።

የልዑካን ቡድኑ ጉብኝት ለሁለት አስርት አመታት ገደማ በሁለቱ አገራት መካከል ሰፍኖ የቆየው ውጥረት ማብቂያ እንደሆነ የጠቅላይ ምኒስትር ፅህፈት ቤት ኃላፊው አቶ ፍጹም አረጋ በትዊተር ገፃቸው ጽፈዋል። ጠቅላይ ሚኒስትር ዐብይ አሕመድ የኤርትራ ልዑካን ቡድን ጉብኝት ለተሻለ መፃኢ ጊዜ መሠረት እንደሚጥል ተስፋ እንዳላቸው አቶ ፍጹም አረጋ ገልጸዋል።

እሸቴ በቀለ

ሸዋዬ ለገሠ

Dm eri tv subscribe

ERi-TV, #Eritrea: Interview with President Isaias Afwerki, November 3, 2018