Dehai News

Dahabshiil long banner 728x90
Eritrea for mobile viewing

(ኤፍ.ቢ.ሲ) የኤርትራ ከፍተኛ ልኡካን በኢትዮጵያ ያደረጉት ጉብኝት ለሁለቱ ሀገራት ሰላም መሰረት የሚጥል ነው- ተመድ

Posted by: Semere Asmelash

Date: Thursday, 28 June 2018

የኤርትራ ከፍተኛ ልኡካን በኢትዮጵያ ያደረጉት ጉብኝት ለሁለቱ ሀገራት ሰላም መሰረት የሚጥል ነው- ተመድ

 ሰኔ 28 , 2018

የኤርትራ ከፍተኛ ልኡካን በኢትዮጵያ ያደረጉት ጉብኝት ለሁለቱ ሀገራት ሰላም መሰረት የሚጥል ነው- ተመድ

አዲስ አበባ፣(ኤፍ.ቢ.ሲ) የኤርትራ መንግስት ከፍተኛ ልኡካን በኢትዮጵያ ያደረጉት ጉብኝት ለሁለቱ ሀገራት ሰላም መሰረት የሚጥል ነው ሲል የተባበሩት መንግስታት ድርጅት አደነቀ።

የተመድ ዋና ጸሃፊ አንቶኒዩ ጉቴሬዝ በቃል አቀባያቸው በኩል ባወጡት መግለጫ፥ የኤርትራ መንግስት ከፍተኛ ልኡካን በኢትዮጵያ ያደረጉትን ጉብኝት አድንቀዋል።

የኤርትራ መንግስት ከፍተኛ ልኡካን በኢትዮጵያ ያደረጉት ጉብኝት በሁለቱ ሀገራት መካከል ያለውን ግንኙነት የሚያሻሸል እና ለሰላም መሰረት የጣለ ነው ሲሉም ገልፀዋል።

ኢትዮጵያ እና ኤርትራ በአሁኑ ወቅት የጀመሩት ዲፕሎማሲያዊ ግንኙነት በሁለቱ ሀገራት መካከል ያለውን ውጥረት ከማርገብ በዘለለ ለአፍሪካ ቀንድ ቀጠና ላይም አዎንታዊ ጠቀሜታ እንዳለውም አስታውቀዋል።

አንቶኒዮ ጉቴሬዝ በመግለጫቸው፥ ሁለቱ ሀገራት ግንኙነታቸውን ለማሻሻል የጀመሩት ስራ ከግብ እስኪደርስ የተባበሩት መንግስታት ድርጅት አስፈላጊውን ሁሉ ድጋፍ ለማድረግ ዝግጁ መሆኑን በድጋሚ አረጋግጠዋል።

የኤርትራ መንግስት ከኢትዮጵያ ጋር ገንቢ ውይይት የሚያደርግ ከፍተኛ ልዑኩን ባሳለፍነው ማክሰኞ ወደ አዲስ አበባ መላኩ ይታወሳል።

የኤርትራው ፕሬዚዳንት ኢሳያስ አፈወርቂ ባሳለፍነው ሳምንት በድንበር ጉዳይ ላይ የሚነጋገር የሀገራቸውን ልዑክ ወደ አዲስ አበባ እንደሚልኩ ማሳወቃቸውን ተከትሎ ነበር ልኡኩ ወደ አዲስ አበባ የመጣው።

የተባበሩት መንግስታት ድርጅት ዋና ጸሃፊ አንቶኒዩ ጉተሬዝ ከሳምንት በፊት ባወጡት ባወጡት መግለጫም፥ ኢትዮጵያ እና ኤርትራ በመካከላቸው ያለውን ግንኙነት ለማሻሻል የተጀመሩትን በጎ ስራዎች ማድነቃቸው ይታወሳል።

በመግለጫቸውም የኢፌዴሪ ጠቅላይ ሚኒስትር ዶክተር አብይ አህመድ እና የኤርትራው ፕሬዚዳንት ኢሳያስ አፈወርቂ የሀገራቱ ግንኙነት እንዲሻሻል ለጀመሩት ስራም ምስጋናቸውን አቅርበዋል።

የተባበሩት መንግስታት ድርጅት ኢትዮጵያና ኤርትራ ግንኙነታቸውን ለማሻሻል የጀመሩት ስራ ውጤታማ እንዲሆንም የሚያስፈልጋቸውን ድጋፍ ሁሉ ለማድረግ ዝግጁ መሆኑን ዋና ፀሃፊው ማስታወቃቸውም ይታወሳል።

የኤርትራ ከፍተኛ ልኡካን በኢትዮጵያ ያደረጉት ጉብኝት ለሁለቱ ሀገራት ሰላም መሰረት የሚጥል ነው- ተመድ

Dm eri tv subscribe

ERi-TV, #Eritrea: Interview with President Isaias Afwerki, November 3, 2018