GETTY IMAGES

ኤርትራ ኣብቲ ሎሚ ኣብ ሰዓታት ድሕረ ቀትሪ ዝጀመረ ፈላሚ ኣህጉራዊ ውድድር ዋንጫ ቅድድም ብሽክለታ ኣፍሪቃ፡ ኣብ ናይ ግዜ ናይ ጋንታ ውድድር ብክልቲኡ ጾታታት ወርቂ መዳልያ ረኺባ።

ኣብ ውድድር ግዜ ( ክሮኖሜተር ) ጋንታ ደቂ ተባዕትዮ፡ ሃገራውያን ጋንታታት ርዋንዳን ኢትዮጵያን ንኤርትራ ተኸቲለን ካልኣይትን ሳልሰይትን ኮይነን ውድድረን ዛዚመን።

ኣብ ውድድር ግዜ ጋንታ ደቂ ኣንስትዮ'ውን ሃገራውያን ጋንታታት ኢትዮጰያን ደቡብ ኣፍሪቓን ንኤርትራ ስዒበን ካልኣይትን ሳልሰይትን ኮይነን ውድድረን ዛዚመን።

ዋንጫ ቅድድም ብሽክለታ ኣፍሪቃ ካብ ሎሚ ረቡዕ ዕለት 21 ሕዳር ክሳብ ሰንበት 25 ሕዳር 2018 ኣብ ኣስመራ ክካየድ።

እዚ ውድድር፡ ብምትሕብባር ፌደሬሽን ብሽክሌታ ኤርትራን ኮንፈደሬሽን ብሽክሌታ ኣፍሪቃን ዝዳሎ ኮይኑ፡ ኤርትራ ነዚ ኣህጉራዊ ውድድር ንፈላማ ተአንግዶ ከም ዘላ ሚኒስትሪ ዜና ኤርትራ ገሊጹ።

እዚ ብኽልቲኡ ጾታ ዝካየድ ውድድር ተሳተፍቲ ሃገራት ብጀካ ናይ ኣየር ትኬት ወጻኢታት ዝተረፈ ኩሉ ብኤርትራ ከም ዝምወል ተፈሊጡ'ሎ።

• ኤርትራ ፈላሚ ቅድድም ብሽክለታ 'ዋንጫ ኣፍሪቃ' ክተእንግድ'ያ
• ቀሽን ፕሮፎሽናል ኣሰልጣኒ ኵዕሶ እግር

ኣብዚ ውድድር'ዚ ሃገራዉያን ጋንታታት ኤርትራ፡ ኢትዮጵያ፡ ርዋንዳ ፡ግብጺ፡ ናይጀርያ፡ ሲሸልስ፡ በኒንን ደቡብ ኣፋሪቓን ከምዝሳተፋ ተሓቢሩ ጸኒሑ እዩ።