ረዚን ክብረትን ምስጋናን ንስነ-ጥበበኛታት ኢሳያስ ደበሳይን፣ ዳናይት-ሰምሃር ደቀ`ቦይ ዮውሃንስ!

ወርሒ መስከረም ዕለት 12, 2017 ዓም ፈረንጂ ብግእዝ ናትና ድማ መስከረም ዕለት 2, 2010 ዓም

https://www.youtube.com/watch?v=oJPkoSOiBlg

ሃገርና ኤርትራ ብከማኹም ዝኣመሰሉ ሚልዮናት ተብዓት ሰብ መትከልን መብጽዓን ከቢድ ቃልሰን ጻዕርን`ያ ብተጻያትን ተበለጽትን ከይተደፍረት ትጐዓዝ ዘላ። እምበር ገለ ሃደምትን ከድዓትን ተበለጽትን ለፍለፍትን`ሲ ንሳቶም ብዝነዝሕዎ ናይ ሓሶት ወፈራ ኤርትራ ትበሃል ሃገር ኣይምሃለወትን። እቲ ዘስደምም ድማ ነቲ ብኻዕቦን ምዕሮን ዝነፍሕዎ እምብልታ ሓሶት ዛጊት ኣሚኖም ኤርትራ ትበሃል ሃገር ኣብ ዓለም ከም ዘየላ ምቑጻሮም እዩ። ንኣብነት፣ "ኣብ ኤርትራ መንግስቲ የለን፣ መንግስቲ ሞይቱ እዩ"፣ ክብሉ ጸኒሖም ብአንጻሩ ኸኣ ብኾፎም ከይተበገሱ በታ ካብ ምራን ትነውሕ መልሓሶም ጌሮም ኬድና ነቲ መንግስቲ ትንክፍ እንተ ኣቢልናዮ በቲ ጎቦ ክጸድፍ እዩ ኢሎም ካብ ዝምድሩ ኣስታት 18 ዓመታት ኣቚጺሮም ኣእዛንና`ውን ኣጽሚሞና ኢዮም። ለባማትን ክቡራትን  ኣቦታትና እንክምስሉ ግን "ዝገብር ነዲኡ ነይንገር" ወይ ድማ "ካብ ሽሕ መደረ፣ ሓንቲ ፍረ" ይብሉ። ኣማን ብኣማን ሓቆም እዮም።...................