ስእለ
Apr 8, 2025 11:28 AM
108.45.183.178
ሳላ ገምቢ ==•••== "ዝብኢ ክትቀትል ገምቢ ተጸጋዕ" ትማሊ 'ቲ ብቕትማሊ ኣብቲ ኽባ ኣብቲ ወጥሪ ኣብቲ ማዕቀብ ቀታል ሕልሚ ከምኡ እንዲና ገርና ገምቢ ተጸጊዕና እንዳሸተተና ጉዳይና ኣሳሊጥና እወ ኣባይና ዲሂኽና እቲ ደመኛና ዝወጠነ ጥፍኣትና ዝደፈረ ክብርና መሬትና ንብረትና ኣፍንጫና ሒዝና ፍሺኽ እንዳበልና ዓቕሊ ጠባይ ገርና ክሳብ ዝሰልጠና ገምቢ ተጸጊዕና ቀጺዕና ኣባይና ኣውሒስናዮ ዶብና ምስ ገምቢ 'ቲ ነቲሕ ሸታቲ ወጊናዮ ጸይቂ እንተ ገምቢ ኣይገበረን ለውጢ ኩሉ ሪሒቕዎ ብጀካ ዓመጽቲ ስሱዓት ከተርቲ
ባዶ ሃንቀውታ ======== ሓሶት ወዲ በሻሻ ዘይብሉ መሰታ ፉንፉን ዕነ ዒታ ንሓቂ ዝቐብር ክትሰምዖ ዘሐፍር ዘቖጥዕ ዘነድር ዘይናቱ መሬቱ ወደብ እንዳማቱ ዝጥምት ኣዒንቱ ከምቶም ኣቦታቱ ቁሩብ ከይሓፈረ ቃላት ከይቀየረ ከምዘለዎ ጥረ ይብል ወደብኩም ሃቡኒ ኣብቲ ቀይሕ ባሕሪ ክሳድ መሳገሪ ደረቐኛ! ልኡኽ ዓመጸኛ ብዓውታ መደረ ከም እተጸለለ ይብል እንዳፈከረ፡ "እንተ ብሰላም ወይ ብሓይሊ ተጠቒምና 'ቲ ብዝሕና ቍጽሪ ክንውንና ኢና ዓሰብ ቀይሕ ባሕሪ" ድሓን ንርኢ! ባዶ ሃንቀውታ ክትሰምዖ መስደመም ብዘይሕንከት እናሻዕ ዝደጋገም ህርፋን ባሕሪ ዘይጭበጥ ዘይትርጎም ዘደንጹ'ዩ! ደቂሰ ተሲአ ብቕንዕና ሪአ ዝፈልጡ ኣውኪአ ኣይረኸብኩን መልሲ ዘዐግብ ፈዋሲ ሕርቃነይ ደባሲ ወዲ በሻሻ ሙጹጹላይ ጣሻ ክትቀብጽ ክትፈልጥ ሓሳብካ ክትልውጥ ዓሰብ፡ ኣካል ኤርትራ'ያ ካብ ቀደም ካብ ጥንቲ ዶባ 'ተነጸረ ብዉዑል መግዛእቲ ንነጻነት ክብራ 'ተኸፍላ መስዋእቲ
ጋዛ - ናይ ጽንዓት በጃ ====••••••==== ጋዛ ሕማቕ ረኺብኪ ክልተ ግዜ ተራኢኺ ነቢዐ ሓዚነ ምሳኺ ከም ማይ ኣይህ ቦምባ ዘኒቡኪ ዉቁባት ህንጻኺ ፈሪሶም ዓኒኺ ንጹህ ህዝቢ ተደብዩ ኣብ ትሕቴኺ ደም ነቢዐ ዝብሎ ሓርቢቱኒ ለይቲ ቀትሪ ልዋም ሪሒቑኒ ዝፈረሰ ገጽኪ እንዳተራእየኒ 'ዚ ዓማጺ ወራሪ ግፍዐኛ ዓሌታዊ ዘየብሉ ዳኛ ደምሲሱኪ መሲልዎ ጂግና ግና እቲ ግዜ ይንዋሕ ይሕጸር 'ቲ ቃልሲ ይኽበድ ይምረር ክዕወት'ዩ! ገድሊ ፍሊስጢኤም ሺዑ፡ ክህነጽ'ዩ ዝዓነወ ህንጻኺ ክምለስ'ዩ ተሰደ ህዝብኺ ሰላም ኮይኑ ክትመርሒ ሂወትኪ
ብዓሰብ ኣሳቢብካ ህውከት ======******====== ወደባዊት ከተማ ኵርዓትና ግርማና ሉል ቀይሕባሕሪ ሓንቲ ካብ ሃብትና እንታይ ኢና ነድምጽ ንሰምዕ ዘለና ኩርኳሕ እዝኒ ረባሺ ሕልና "እንተ ብሰላም ወይ ብሓይሊ ተጠቒምና 'ቲ ብዝሕና ቍጽሪ ክንውንና ኢና ዓሰብ ቀይሕ ባሕሪ" ይብሉና ኣለዉ ወረርቲ ዓመጽቲ ስሱዓት ጎረቤት ሉኡኻት መወልቲ ፋሉል ቀይዲ-በተኽ ዘይዓጦም ሕጊ ዓሻ ዘረባ ክትሰምዖ መስደመም ብዘይሕፍረት እናሻዕ ዝደጋገም ሕልሚ ወደብ ባሕሪ ዘይጭበጥ ዘይትርጎም ጎረቤትና ሓቂ ዝሃደሞም ወራር ዓመጽ ዝገበሩ ባህሎም ጣሓርናኩም ዝብሉ እንዳዓረቦም ሓሶት ዘራፍ መለለዪ ስሞም ክንዲ ስራሕ ዝበልዑ ዓጢሮም ብምልማን ዘንዉሑ ኣጽፋሮም 'ቲ መልስና፡ ኣይትድከሙ! ኣስተውዕሉ! ብሕጊ ብስርዓት ተማእዘኑ እወ 'ቲ ሕሉፍ ገምግሙ ዝተኸፍለ ኩሉ ክሳራ መኽሰቡ እንተ ዓሰብ ኣካል ኤርትራ'ያ ካብ ቀደም ካብ ጥንቲ ዶባ 'ተነጸረ ብዉዑል መግዛእቲ ንነጻነት ክብራ 'ተኸፍላ መስዋእቲ
እቲ ሓቂ ብሓጺሩ ===•••••=== ኣብ ኤርትራ ኣብዛ መሬት ሓራ ኢንተርነት መብራህቲ መጓዓዝያ መንገዲ ጽሩይ ማይ ንጥሪት ንህዝቢ ... ኣይረሃወን ይቕጺል 'ቲ ጻዕሪ እወ የለን! ዘብረቕርቕ ጎደና ዝሕጸብ ብመኪና ንምነዮ ኩሉና የለን ገዛውቲ ዝደጕሕ ኣዒንቲ ዋላ ናይ ብሕቲ 'ቲ ምኽንያት፡ እገዳ ኣመሪካ 'ቲ ማዕቀብ ኣውሮጳ ድሕሪት ደቝስና ከይምዕር ሂወትና እወ ዘሎ ትሕዝቶና 'ቲ ሰብና ንብረትና በረኻ ወፊሩ ዶባቱ ክሕሉ 'ቲ መሬቱ ባሕሩ ስለዚ ኤርትራ ማዕሪጋ ማዕቢላ በልጺጋ ከም ጸሓይ ደሚቓ ኣይከኣልናን ክንርኢ ብኣጋ ካብ ሩሑቕ ቀረባ ሰብ ቡዙሕ ዛዕባ ጸላእቲ ረኺብና ዝምነዩ ሺሻይና ኣይመለአን ኢድና ሰላም ሪሒቑና ከይነግህድ ሕልምና ትጽቢትና ድልየትና ግና እቲ ንምነዮ ክንበጽሖ ንደልዮ ክኸውን'ዩ ክንርእዮ ብመኸተ ዕዮ
ሃገረይ ==== ሃገረይ ኤርትራ ናይ ሓቂ ኣውራ ኩሉ ዝምነዮ መሬታ ባሕራ ሺሻይኪ በዚሑ መሊኡ ኣስፋሕፊሑ ኢድ ዓመጽ ኣንዊሑ እሞ ሰላም ክወርሰኪ ክርኢ ዕብየትኪ ምስ ጭዋ ህዝብኺ ናበይ ከግዕዘኪ፧ ናብ ሰማይ ናብ ጠፈር ናብ ባሕሪ ዘይስገር ወይስ ናብ ማርስ ዘይሕኮር፧ እወ ካብ ዓመጽቲ ተዃሉ ኣዛብእ ጓሓሉ ፍጡር ዘደንገሉ ክትርሕቒ ሎሚ ንሓዋሩ ብሰላም ክትነብሪ ሕሰምኪ ክበሊ ሂወትኪ ክምዕሪ ኤሩ ሃገር ፍቕሪ ወናኒት ክብሪ መፍትሕ ሓብሪ ሰላምኪ ክዛሪ
ካብ ሃመማ ማዓር ዝጽበ ንሃመማ ዘይፈልጥ ጥራሕ'ዩ! ============••••••••••••=========== ካብ ዝጠፈሹ ዝነደዩ ብሕማም ኣውራጃ ዝጨቀዩ ሃሱሳት ዑሱባት ዝኾረዩ ካብዚኣቶም እንታይ ትጸበዩ፧ ዋላ ሓንቲ! እወ ኣይንጸበን ክንዲ ጣፍ ትዅን ክንዲ ኣድሪ ዝደቐቐት ኣብዛ ዓለም ምድሪ ባዶ'ዮም ጥርሖም ቁምነገር ዘይብሎም ክንዮ ኣፍንጮኦም ኣርሒቖም ዘይርእዩ ተላእኽቲ ንኸብዶም ዝጎዩ ብደንጎላ ፍትሒ ዘናድዩ ሓኽሊ ድሙ ፈጺሞም ዘይዓብዩ በላዕ ውዳቕ ብላሽ ዝነደዩ መልክዕ ሃገር ዘይሕብሩ ዝለኽዩ ስዉእ ጂግና ኣይፈልጦን'የ ዝብሉ ዉዱቓት'ዮም ክሓድቲ ጥረ ዘይበሰሉ ብርግጽ! በትሪ ዘርጊ ኣባይ ዘገልግሉ ጸረ-ሰላም ከም ኣድጊ ዝሃሉ ተስፋ-ኣልቦ ራኢ ዝተሓርሙ ጸገም ልምዓት ዕንቅፋት ኣብ ኩሉ ብላሽ ፍጥረት ኣይረብሑ ኣይጠቕሙ
ጉድ ረኺብና! ======== ኤሩ ጉድ ረኺብና በዛ ወዛል ጎሬበትና ኢትዮጵያ ዝብልዋ ቆለ ወራር ዘለዋ ዝገበርና ዘይብልና ሰላም ድቃስ ሲኢና ዕምሪ መዋእልና ኣብ ገዛእ ሃገርና ወትሩ ጥሓርናኩም መጻና ኣጥፋእናኩም ክብሉና እናሻዕ ተረባረብ ኮይኑ መዋእል ኣቓውጺሩ 'ቲ መሬት ባሕርና ማዕድን ጸጋና ከይሓፈሩ ናትና'ዩ ይብሉና ግና ንሃገርና ንኽብርና ንነጻነት ንመሰልና ንምክቶም ሓደ ኰና እወ ትማሊ 'ቲ ብቕትማሊ ተቓሊስና መኪትናዮም ሓደ ኰና ሲዒርናዮም ኣይተማህሩን ጎርቤትና ምውራድ ኣብዮም ካብ ርእስና ይቕጽሉ 'ቲ ፈኸራ እቲ ዘራፍ እቲ ጉራ እንተ ንሕና ከም ትማሊ ከም ቀደምና ኣብ መሬትና ኣብ ባሕርና ከም ንስዕሮም ሓደ ኰና ምስክር'ዩ 'ቲ ታሪኽና
ልኡኽ ገናዞ ======= ቆልዓ በሻሻ ትኳዕ ወያነ መትከል ዘይብሉ ጉዕ ዘይበሰለ ወረጃ ይመስል እንተመደረ ጣልማይ ሸቓጢ ዘይእመን ግብሩ ሕማቕ መራሒ እንዶ ዘይብሉ ህዝቡ ዘናቝት ከንውሕ ዕምሩ ታሪኽ ሃገሩ ዘይገናጸለ ኣብ ጽዊጽዋይ ዝኣምን ዕነ ንጉስ'የ ይብል ሕፍር ከይበለ ስሱዕ ጒሒላ ኣብ ከባቢና ዘይበልየሉ 'ቲ ዓመጽ ጉራ ሓሊሙ ዓሰብ ናቱ ክገብራ ዝገርም'ዩ! ሃላሊ ወደል ዕባይ ድርጎኛ ክልተ ልሳኑ ንፋስ ፍሕኛ ልኡኽ ገናዞ ኣብዚ ዞባና 'ቲ ሕሉፍ ስዕረት ኣብ ኤሩ መሬት ቅያ ጂግንነት ዝተፈጸመ ኩሉ ረሲዕካ እንተፈቲንካ ዶብና ሰጊርካ ኣብኣ ትረኽባ ስዕረት ጸበባ ከም ወለድኻ 'ቶም ደገፍትኻ
ነብስኻ ምኽኣል ========== ኤርትራ፡ ቀደም'ያ ወሲና ኣጽኒዓ መርሚራ ንህዝባ ሚሂራ ክሰርሕ ክጽዕር ብነብሱ ክሓድር ምጽወታ ክጽይን እወ ነብስኻ ምኽኣል ምጽወታ ምጽያን ኵርዓት'ዩ ክብሪ ኣብዛ ዓለም ምድሪ ኣብ ቅድሚ ፈጣሪ ምኽንያቱ፥ "ካብ ሰብ ዝደሊ ከም ሳእኒ ይበሊ" "ሃበኒ ህበይ ይገብር" "ስራሕ የብልዕ ነጻነት የዅርዕ" እኳ ተባሂሉ ቀደም ተመሲሉ ስለዚ ሓርኮትኮት ምባል ምብልሓት ምጽዓር ነብስኻ ምኽኣል ዋላ ኣብቲ ጽንኩር እዋን ምስቲ ውግእ ጨካን ኣብ መሬት ኤርትራ ኣዐዊቱ እንድዩ ሰውራ ነብስኻ ምኻል፡ "ንጸላኢ ብጥይቱ ብብረቱ" ብመድፍዑ ብታንኩ ሃገር እንድዩ ኣውሒሱ ዲጋታት ሃኒጹ ዝብላዕ ኣውሒሱ "ገናዞ" ኣልጊሱ
ተናቓኒቑ ===== ስርዓት ኣመሪካ ከምቲ ዝነበሮ ነዊሕ ዝሰጎሞ ዝተጓዕዞ ዝሃለሎ ኣይከኣለን ክቕጽል ክጎዪ ክዕንድር Stutas quo ኣብቂዑ ቆንቊኑ ኣብሪኹ ተናቓኒቑ ካብ ዉሽጡ ካብ ስሩ ካብ ዓንዱ ማእከሉ ኢኮኖሚ ደኺሙ ብዕዳ ማህሚኑ ብቻይና ተቐዲሙ እንሆ ከስተውዕል ጀሚሩ ክፍተሽ ጸገሙ ሓጥያቱ ሕማሙ ህዝቢ ተሻቒሉ ዓለም ፍዝዝ ኢሉ ፈሪሑ ሳዕቤኑ ብርዒ ትራምፒ ፍርዳ ዘይትአናሕሲ ከተወዝል ድያ ከተጽሪ ክትሓላልኽ ከተዐሪ እንሆ ጀሚራ ስራሓ ብዘይምሕር ብልሓ ብርዒ ተሐጕስ ኣላ ተኾሪ ተነድር ተንብዕ ተጸሊ ተውርድ ተደይብ ብመደብ ብሃውሪ
ኣይትተንክፍዋ ========= ጂግንነት ተውፋይነት ጽንዓት ትኩርነት ሓልዮት ብጻይነት ትብዓት ቆራጽነት ኤርትራዊ ሕላገት! እወ ብደም ዝጠጠዐ ሂወት ዝበለዐ ናይ ኣሽሓት ልግዐ ብርግጽ! ኤርትራ ሃገር እንኪሒራ ሓቂ ማዕተባ ኣብ ስምረት ሓይላ ትኵርቲ ሃገር ዘይትደናገር ናይ ዜጋ ሓበን እሞ ብኽብረትኩም ሕልና ተለኩም ኣይትተንክፍዋ ክብሪ ኣለዋ ዘይትመን ክብሪ ብሰብ መዳሪ ኣብነት'ያ ተስፋ ወናኒት ሂወታ ኣብ ኣህጉር ኣፍሪቃ ብዝኾነ ክትኣምኑ ክትክሕዱ ኤርትራ ኪዱ ሪኢኹም ፍረዱ ተባህለ ወግዱ
======================= ግዜ ብግዜ ክትካእ ብህድኣት ብዋዕዋዕ ትራምፕ ወሊዱ ዝውስን ድልየቱ ተግባሩ ቃላቱ መንፈሱ እምነቱ ንዓለም ዘርዕዱ ሰላም ዝብሕጉጉ ካብ ስሩ ካብ ጉንዱ ቁሩብ ከይትጓዕዘ ወርሒ ከይረገጸ ዜጋታት ረቡሹ ብቡርዑ ብድምጹ ክንጸልእ ክንፈቱ ወጊሑ ጸልሚቱ ኣብ ትሕቲ ትራምፕ ነዊሕ'ዩ 'ቲ ጉዕዞ ዓመታት ዝተርፎ ክንሺገር ክንቅዞ ኣብ ውሽጢ ኣመሪካ ኣብ ዓለም ብኹላ መጠንቀቕታ ዘይብሉ እቲ ገንዘብ እኽሉ ሃንደበት ደው ኢሉ ድኻ ደንጽይዎ ዝብሎ ሓርቢትዎ ይብል ኣሎ እዝግዮ ክጥዕሞ ክርህዎ
"...ኣብታ ነዋሕ መንገዲ" ============== ሻዕብያን ወያነን ማንቲለን ጎብየን ከዳምን ሰብስረን ኤርትራን መቐለን ገጢሞም ኣብታ "ነዋሕ መንገዲ" ኣንጻር ዓመጽ ፍትሒ መን ይስዕር ረጊጹ ኣብ ሓቂ ግዜ ተዓዚሩ 'ቲ ህልኽ ቀጺሉ ተረባረብ ኮይኑ ዓራቒ ኣይተረኽበን መንጎኛ ዝእመን ብሕጊ ዝምእዘን ግና ድሕሪ ነዊሕ ርብርብ ሻዕብያ ዘዐግብ ወያነ ላህሊሁ ሲሪኡ ፈቲሑ ተደሲቑ ሒቜኡ እወ ወያነ ከዳሚ ዘይብሉ ትልሚ መይቱ ፋሕፋሕ ኢሉ ኣትዩ መቓብሩ መምለሲ ዘይብሉ ፍንጭራዕ ወያነ ጠገለ ዝስኣነ እኽቲሙ ብግዜ እታ ነዋሕ መንገዲ ዝኸድዋ ሰብ ሓቂ ኣይወዳኣን ዓማጺ ወያነ 'ዚ ቊንጪ ሻዕብያ ኣይተኻእለን ዓቕሊ ኣየጽበበን ሲዒርዎ ሸርሒ ምዕራባዊ ጕርሒ መዝማዚ ፈንጣሒ
ፖሶላ ኩኑኒ ======= ምስ ሞትኩ ነበረ ምስ ኮንኩ ንብዓት ዋይ ዋይ እቲ ናእዳ ምሕማይ ተዝካር ብእኽለማይ ዕምባባ ኣብ ሬሳይ ሓወልቲ ንዝናይ ኣይርእዮ ኣይሰምዖ ኣይሰትዮ ኣይበልዖ እንታይ ይገብረለይ ለውጢ የምጽኣለይ እተበርኩቱለይ፧ ትፈትዉኒ ተዀንኩም ተድንቑኒ ብስራሕ ተግባረይ ትንእዱኒ ወይ ብሕማቕ ጠባየይ ትኽዕቡኒ ሕጂ ሎሚ ከይጸመምኩ ከይሓመምኩ ከይሞትኩ ጽባቐ ሕመቐይ ብርታዐ ድኻመይ ክእርሞ ወይ ክቕጽሎ ወይ ጨርሰ ክምሕሎ ሕጂ ንገሩኒ ፖሶላ ኩኑን
'ቶም ጨቆንትና ፍረ ማህጸና ================ ትሽዓተ ወርሒ ኣብ ከብድና ሰለስተ ዓመት ኣብ ዝባና ወሊድና ኣጥቢና ሓዚልና ረሪና እፍፎም ጸሪግና ዘዕበናዮም ደቅና ረሲዖም ውዕለትና - ኪሒዶም ዓስብና "ጎደሎ" ይብሉና ንኽብዱሉና እወ ክንዲ የቐንየልና ስልማት ምስጋና ይግህሱ ክብርና ሰብኣዊ መሰልና ሃይማኖት ተጎልቢቦም ቅልጽሞም ኣሚኖም ተባዕታዊ ሓይሎም ክዕምጹ ንሕስያ ዘይብሎም ሓቂ ኣጣሚሞም ዶብ ፍትሒ ሰጊሮም ክብርና ክግህሱ ፈጺሙ ዘይዓጅቦም ክንዲ ብትሕትና ማዕርነት ዝበልና ኵርንዒት በዚሑ ተጎስዩ ሕቶና እዝጊሄር የርኢኹም ሕማቕ ተፈዲና ክትሰምዖ ዘደንጹ ብፍረ ማህጸና መንእሰይ ዓበይቲ ኣቦታት ደቅና መስፍናዊ ባህሊ ዘይለቐቖም ጌና ጉዳማት! ብሓይሊ ሰኺሮም መን ከማና ኢሎም "ይዕምጹ" ነዲኦም ንጓሎም ካብ ቀደም ካብ ጥንቲ ክሳብ ሎሚ ሕጂ ኣብዛ ዓለም ቍንጪ እንሆ ተባዕታዊ ትምክሕቲ መሰል ሰብ ረማሲ ጓል ሄዋን የሳቒ ዝገርም'ዩ! ማሃይም ሙሁሩ ኣቕሺሽቲ ዓለሙ ዓብዪ ንእሱ ኣድልዎ ይቕልሱ
"...ዕርፊ ኣጽንዕ" ========== እንተ ንልምዓት ወይ ንጥፍኣት ንሰላም ወይ ንዂናት ትራምፕ ዳግማይ መጺኡ'ሎ ሕልሙ ክትርጉሞ ግዜ ዝምስክሮ ዓማጺ ፖሊሲ ዓለም ዝፈንፈኖ ምብራቑ ምዕራቡ ሰሜኑ ደቡቡ ይርበሽ ኣሎ ይሕመስ ይልሎ "Make America Great again!" ከመይ ከምዝገጥሞ እዛ ዓለም ጠፊእዋ ትብሎ ሸጊርዋ ከመይ ከምትገጥሞ 'ቲ እገዳ ቀታሊ መንሺሮ ስዉር ኲናት ፈታኒ ክትስዕሮ ብዝኾነ እቲ "ብዕራይ ናብ ዝበለ የብል ዕርፊ ኣጽንዕ" መራሒ ኣመሪካ ዝመጸ ይምጻእ ማኣዝንካ ኣይተጥፍእ ወትሩ ድልዊ ኹን ኤርትራና ኣልምዕ!
ሰራዊት ተውለ ======== ይከኣሎ ዓይኒ ንስሪ ዋርሳይ ትኩር ወራስ ሕድሪ ጽኑዕ ኢኻ መስትውዓሊ ህርኩት በሊሕ ጎይታ ዓቕሊ ፈታው ስራሕ ጻጸ ንህቢ ብሳላኻ ኰይና ቀርኒ እስኻ እወ እስኻ ጸሓይ ንጉሆ ሚስጢር ኢኻ ኩሉ ዓመጽ ዝመለኽካ ተጠማቲ ብራኢኻ ስዒርካዮም 'ቶም ሩቡጻት 'ቶም ዓመጽቲ 'ቶም ሃሱሳት ጸረ-ሰላም ምንጪ ጥፍኣት ዋሓስ ሃገር ሓበን ህዝቢ ዘይትማታእ ተኣማኒ ኣብቲ ጸልማት ኣብቲ ወጥሪ እወ! ደጀን ሃገር ዋልታ ኢኻ ራህዋ ህዝቢ ዕጋበትካ ድሕነት ኤሩ ቅሳነትካ ኣብ ኣፍሪቃ መን ከማኻ፧ ብርግጽ! መምህር ኢኻ መምህር ሓቂ ፍትሒ ሰላም ተጣባቒ ዘመስከርካ ብመስዋእቲ ብስሬኻ ተሓፋሪ ተውለ ኣብ ስራሕ ወትሩ ጻዕሪ ኣብ መሬትካ ኣብቲ ባሕሪ እሞ ንሰላምና ንድሕነትና ንኽብርና ንዕብየትና ህዝቢ ኤረይ ኣሰሊፍካ መርሽ ቅድሚት ሓደ ኰንካ ከም ትማሊ ከም ቀደምካ
