ስእለ
Jun 25, 2024 10:33 AM
108.45.183.178
የመስግነካ ======= ስዉእ፡ ጸሊም ኣልማዝ ጂግና ኤርትራዊ ዝሓለፍካ በጃ ንሃገር ንህዝቢ ምስጋናይ ይብጻሕካ ካብ ማዓሙቕ ልቢ እወ ንናጻነት ሓርነት መስዋእቲ ዝኾንካ ዝወፈኻ ኩሉ ዕድመ ንእስነትካ የመስግን ደኒነ ንሰናይ ውዕለትካ ስዉእ ብጹእ ኢኻ ዘይትጠልም ሕድሪ ጽኑዕ ቃሉ ንኹሉ ክኣሊ ሓበን ሃገር ወርትግ ተዘካሪ ይዘከር ይዘመር ጽንዓት ጂግንነትካ ብዉሉድ ወለዶ ኤርትራዊ ዜጋ ሎሚ ንሓዋሩ ኣሰንዩ ስምካ እንተ ኣነ ብኣካል ኣእምሮ 'ቲ ዝኸፈልካዮ ክትስዋእ ከለኻ ኩሉ ዝበልካዮ ኣብ ግብሪ ከውዕሎ እንተኺኢለዮ ይጽዕር ኣለኹ 'ቲ ዓቕመይ የዕብዮ ግና ቅሰን! 'ታይ ተሪፉኒ ኣይትበል ታሪኽ ዓወታትካ ኣሎ ይደጋገም ፍረ መስዋእትኻ ዓምቢቡ'ዩ መቕሰን ይተኻኻእ ኣሎ ይምክት ብሓበን ኣንጻር ኩሉ ሓሳድ - ሓሸራ ምስ ተመን
ሽጣራ
ኣብ ትምህርቲ ሽጣራ ክህልዎ ኢልኩም እዶ ሓሲብኩም ትፈልጡ፧ እታ ኢንኮ ጽብቅቲ ንጥቢ ዘምጻ ኣላ ዝነበርኩ ዓይነት ትምህርቲ ሕሳብ (ቁጽሪ) ኢያ ኔራ። ድሕሪ ቡዙሕ ምምሃርን ፈተና ምሕላፍን ግን ጡቅሙ ዋላ ክፈልጦ ኣይካኣልኩን ጥዊዋይ ወዲ ጥዊዋይ ምቅራጽ ጥራሕ፨
ሓንቲ ማዓልቲ ግን ብኣእምሮይ ማለት ብሓሳብ ንክልተ ወይ ሰለስተ ቁጽሪ ብርእሱ ኣራቢሔ መልሱ ክረክቦ ፈተንኩ። ድሕሪ ቡዙሕ ፈተነ ነቲ መልሲ ብሓሳብ ክረክቦ ከኣልኩ። እቲ ኣዚዩ ነገር ዘሔጎሰኒ እቲ መልሲ ምርካብ ዘይኮነ፥ ኣገባብ መልሲ ምፍላጠይ እዩ። ከይፈልጥኩ፥ ሓደ መስተንከር ነገር ክምዝፈለጥኩን ዝረከብኩን ዋላ ሓንቲ ኣይተሰቆረንን ንሹዑኡ። ድሕሪ ቡዙሕ ምምርማር ግን እዛ ኣጋባብ ካብ ክልተ ቁጽሪ ምፍላጥ ማለት ኣዚዩ ኣገዳስን ጠቃምን ብምካኑ ኣብ ፍልጠትን ምህዞን ስንዔን ኣገዳስነቱን ብቀሊሉ ክርድ ኣኒ ኪኢሉ።
ሃገርና ኤርትራ ሓንቲ ብልጽግትን ምዕብልትን ንክትኬዉን ሕሳብ(ቁጽሪ) ከም ሓደ ኣድማሳዊ ቋንቋ ምካኑ ተረዲኢና ቡዙሕ ኣተኩረት እንዳ ሃብና ንቁጠባና ብምህዞን ስንዔን እናገብርና ቁጠባ ሃገርና ብቀሊሉ ክንዕብዮ ንክእል ኢና።
ስለዚ ክንምህዝን ክንስንዕን ድማ ጥበብን ምስጢሩን ናይ ሕሳብ(ቁጽሪ) ክንፈልጦ ኣለና። እቶም ነቲ ናይ ኣገባብ ሕሳብ (ቁጽሪ) ዝፍልጡ ሕሳበኛታት ነቲ ናይ ሕሳብ (ቁጽሪ) ቅድሚ ፫፭፱ (359)ንኣቃርጽ (ኣሳእል ኡ) ቀይሮሞ እዮም። ንሱ ድማ ከመይ ኔሩ ቅድሚኡ ክንፈልጦ ናይ ግድን አለና።
ሓዉኩም ኤርትራዊ ዮናታን ሰለሙን ርእሶም ከምእዉን ዮናታን አሰፋው ዮሴፍ My Youtube Channel: Mukur ELAL
ተዓዊቱላ ====== ኤሩ ሃገረይ ተዓዊቱላ ርሑቕ ቀረባ ትዛውን ኣላ ኣብ መላእ ዓለም ክሳዳ ኣልዒላ ነቶም ዓመጽቲ ጉዶም በሊላ ጉዕዞኣ ንጹር ሓንቲ እምነታ "ፍትሒ ማዕርነት ይንገስ ኣብ ባይታ ሓቢርና ንዕበ ሰላም'ዩ ጸጋ" እወ! ንሓቂ ፍትሒ ትስየፍ ሃገር ብዓሎቕ ታህዲድ ዘይትደናገር መቓልሕ ድምጻ "ሕጊ ይከበር" 'ዛ ሃገር ፍቕሪ ወደር ዘይብላ ኣብነት ጽንዓት ኣብ ስምረት ሓይላ ስሱዕ ዓማጺ ጸረ-መትከላ ትመንጉድ ትኽበር ወትሩ ዘልኣለም ኤሩ'ያ ንሳ ዘይትመሻኸን ፍረ መስዋቲ ናይ ዉጹዕ ሓበን ሓቂ ዕጣቓ ሎሚ ይዅን ቀደም
ዮሃና! ====
ዮሃና ህዝቢ ኤርትራ ኣብ ውሽጥን ኣብ ደገን ዘለኻ ምስ ምዑታት ምክልኻል ሰራዊት ኤርትራ ናብ መበል 33 መዓልቲ ነጻነት ሃገርና ኤርትራ 24 ጉንበት 2024 ብሓባር ዘብጻሕና!
ሓጎስን ሰላምን ዝሰፈኖ ቅንያት ባዓል ነጻነት ይዅነልና! ዝሓለፈ ጸገምና ዝመጽእ ራህዋና ይግበሮ!
ብፍላይ ግን ዕዙዝ ምስጋና! ሚልዮን ግዜ ምስጋና! ንዓኻ፡ ንጂግና ምክልኻል ሰራዊት ኤርትራ ነዚ ክቡር ባዓል ነጻነት'ዚ ህያውን ነባርን ዝገበርካ ይዅን!
ስኒት መልክዕና ========= ንሕና እወ ንሕና ስኒት መልክዕና ሓቂ ዕጥቅና ነብስኻ ምኽኣል ጭርሖ መትከልና ኤሩ ነልምዕ ሓደ ኢድ ኰና መንገዲ ዕብየት ክብሪ ዝበና ቊሊሕ ዘይንብል እንጀራ ልማኖ ክብርኻ ዝቕንጥጥ በሊዕካ ትሸኖ ብደውካ ዘልምስ ሰላሕታ መንሺሮ እወ ልቓሕ ሓረጣ ሚልዮናት ገንዘብ ረዳኤት እኽሊ ብቶናት መርከብ ግዝያዊ ፈውሲ ከኒና ጭንቀት ምህዞ ጓሓሉ ዓዳም ድኽነት ተረፍ ማኣዶም ተረፍ ጽጋቦም እቲ ዘይቡቑዕ ዘይበልዖ ከልቦም ይምጥዉኻ ለጋስ መሲሎም ከይትነቕሓሉ ስዉር ተንኮሎም ሓድሽ መግዛእቲ 'ቲ ዘሀብተሞም ኣህዛብ ረሚሱ ዘዕበየ ባንኮም
ስዉኣት ንዘክር ========== ኣብ ስራሕ ዕረፍቲ ብቐትሪ ብለይቲ ክንድቅስ ክንትስእ መግብና ክንበልዕ መደብና ክንሰርዕ ብመንፈስ ብኣካል ብሓሳብ ብተግባር ስዉኣት ንዘክር ካብ ልቢ ነመስግን ንሶም'ዮም ኮይኖምልና ዕሺር ብነጻነት ክንህሉ ክነብር እወ ቃልና ኣይነዕብር እምነትና ኣይነጕድል ነስተውዕል ነስተብህል ብስምረት ንሰጉም ዓወትና ክቕጽል ኤረና ክትጕብልል ዓለም፡ ጨካን'ያ ቅብዝር 'ቲ ጠባያ ዘቕሕር ዘሐርቕ ዘሐዝን ኩሉ'ያ ተማልእ ተጥፍእ ተልምዕ ትጨዊ ተዘንግዕ ዓገብ ኣይትብልን እንዳራኣየት ትዕውር ተጽቅጥ ትጸምም ዓለም፡ ሓያል'ዩ ዋንኣ ሓያል ብሓያሉ 'ቲ ንሕስያ ዘይብሉ ኒኲለር ዕጣቑ ንዓይ ዝብል ኩሉ ብዝኾነ፡ ካብ ተማህ ጎረቤት ዕሱብ ጸረ-ዕብየት ኣብ ባዶ ዝንየት... 'ቲ ለፍላፊ ሓምየን ንስራሕ ዝጽየን መዋቕዒ ተመን... ቀልቢ ኣይንሃቦ ሓባር ንመክቶ ፈጣሪ ድማ፡ ካብ ቀናእ ሓሳዊ ወቒዑ ዘአዊ ዳኛ መዳለዊ ንፍትሒ ቀባሪ ዓማጺ ጓሓሊ ስሱዕ መታለሊ ዘይፈልጥ ነውሪ... ሓልወና ሕድሪ!
ከኒና ሓንካሮ ======== ኢትዮጲያ፡ ንሃይለስላሴ ምስ ደርጊ ንወያነ ብልጽግና ጸይቂ ዝፈረየት ወዛል ዘይትዓቢ ኩሎም፡ ሓደ ካብ ሓደ ፍልልይ ዘይብሎም ጸረ-ሃገር ምንቛት ኣመሎም ዘይግድሶም ብጀካ ስልጣኖም ውግእ ኲናት ምስ ኮነ ስርሖም ምዕባለ ስልጣኔ ምስራሓቖም ጠሚና! ተወዳእና! ሩድኡና! ይብሉ ተጠሊዖም ሰፊሕ መሬት ኣባይ ሩባ ሒዞም ኢትዮጲያ ደምያ ተዋሪዳ ንዓመታት ድሕሪት ተጎቲታ ብሰንኪ ስሱዓት ኣምበጣ ኩብኩብታ ዘይክኣለት ከተዐንግል ህዝባ ከተውሕስ ጸጥታ ሰላማ መፍቶ ጓሓላሉ ኣውሮጳ ኣመሪካ እወ ከተገልግል ኣውሮጳ ኣመሪካ ብእኽሊ ረዳአት ብፈረንካ ተሀልቕ ኣሽሓት ውላዳ ሩባታት ወሓይዝ ብምልኦም ዝሕረስ ጎላጕል ብሰፋሕቶም ስኣን ጻዕሪ ቃዲሮም ተሪፎም ደቂ ሃገር እኽለማይ ናፊቖም ከም ሰብ ፍጡር ሰላም ተሓሪሞም ይስደዱ ክሪኡ ዕድሎም 'ቶም መራሕታ ዕሩባት ሕልና የቋምቱ መሬትና ባሕርና ሕጊ ዓለም ብትዕቢት ነጺጎም ይህዉኹ ሰላም ጎረቤቶም እንተ ንሕና ስኒት መልክዕና ነብስኻ ምኽኣል ጭርሖ መትከልና ክንሰርሕ ኢና ከምታ ቀደምና ኤሩ ንምልማዕ ከይተሃከና ኣብ መሬት ክብሪ - ገነት ምስ ሞትና ቊሊሕ ኣይንብልን እንጀራ ልማኖ ክብርኻ ዝቕንጥጥ በሊዕካ ትሸኖ ብደውካ ዘልምስ ሰላሕታ መንሺሮ መገዲ ድኽነት ምህዞ ናይ ጓሓሎ ኣይቀትል ኣየድሕን ከኒና ሓንካሮ
ክዕቅቦ'የ ====== ደንቆሮ ኣይኮንኩን ዘይፈልጥ ጥቕመይ ኣሕሊፉ ዝምጡ ንመሰለይ ክብረይ ኣብ ደገ ይሃሉ ኣብ ውሽጢ ሃገረይ ክብሪ ኤረና ክብርታት ህዝቢ ሂወት 'ተኸፍሎ ኣሽሓት ፍሊ ምርኻስ ታሪኽ ገበን'ዩ ነውሪ እወ ጉዕዞ ሰውራ 'ቲ ኣገራሚ ግዜ ሓሊፉ ዘይሃስስ ገድሊ ንወለዶታት ፍጹም ዘይበሊ ከም ብርሃን ጸሓይ ዘይቅይር ሕብሪ ታሪኽ ምዑታት ታሪኽ ሰብ ዓቕሊ ኣብ ዉዑይ ዝሑል ፈጸምቲ ሕድሪ ቅያ ውዕለኦም ወርትግ ነባሪ ክዕቅቦ'የ ኣብ ሰላም ወጥሪ
ንሓያል ሓያል ኣለዎ =========== ሕጂ ግርም! ክትርኢ፡ ትዕቢተኛ ክድሰቕ ክሓፍር ከይደቀሰ ብደዉ ክብህርር ሕጊ ዓለም ክኣምን ክኽብር። ሰማዩ ተጣሒሱ መሬት ትሓሪሱ ኣነነት ፈሪሱ ጻዕዳ ገዛ ኣሚኑ ብትዕቢት ሰኺሩ ሕጊ ዕሺሽ ኢሉ ህዝቢ ዝበደለ ኣሽሓት ዘህጠመ ሪኢናዮ ኣብ ዓለም ክዋረድ ክድፈር ክልተሳዕ ክሓስብ ክበራበር። *********************** መቐሬት ሂወት ክድራዕ ኩሉ ብሕጊ ይገዛእ ይእመን ምምልላእ
ኣይስኣኑ ===== ዓንጃል ዘይብላ ዓለም "ኣይጽቡቕን" ካብ ስሓቕ ትዅነን ስለዚ ኣይብዝሑ'ምበር ይሃልዉ ፍሽኽ ዘብሉ ዘገርሙ ከም በዓል ንሳ/ንሱ ገዋኑ ኣፎም ዝሃቦም ዝምድሩ
ኣቦ ራኢ ===== እቲ ትብዓት እቲ ሓቦ እቲ ብልሒ እትብህጎ ዓቕሊ ጽንዓት ዝወለዶ ሲዒርዎም ተሃንዳዶ ጸረ-ሰላም በጋሚንዶ ንጥፍኣትና ዝሓበሩ ኩሉ ክፋእ ዝመኸሩ ሲዒርካዮም ሓደ ኰንካ ህዝቢ ኤረይ ኣሐቢንካ ንበር ኢሉ መሪቑካ እወ ዕጡቕ ስረ ጎይታ ሓቂ መትከላዊ ካብ ሰብ ወርቂ ንበር ክበር ጸሓይ በርቂ እሙን ቃሉ ወዲ ህዝቢ ወዲ እዝጊሄር ወዲ ረቢ ፈታው ስራሕ ጻጸ ንህቢ ዘይትርበሽ ኣብቲ ወጥሪ ጸላኢኻ ክፉእ ግብሪ እቲ ወሽላኽ 'ቲ ዓጣሪ ሃሱስ ትዃን መጋበሪ ኣቦ ራኢ ፈታው ህዝቡ ፍቓድ ኣምላኽ እንተኾይኑ ንበረልና ንሓዋሩ ምስ ብጾትካ ምስ ጀጋኑ ንኤርትራ ዝማሓሉ ሓፋሽ ህዝቢ ከገልግሉ ጽንዓትኩም'ዩ ፍረ ሂቡ ሃገር ሕድሪ ቀጥ ኣቢሉ ኣብ ዓልምና ስማ ኣግኒኑ
ሓቂ መራር ======= ኣቱም፡ ኣይትጻረፉ ትብሉ ትውርዝዩ ትምድሩ ኣበይ'ዩ 'ቲ ጌጋ ኣበሩ፧ ንሌባ ቍጥሚ ሰራቒ መላዓሊ ሸፋጢ ጓሓሊ.... ንወሽላኽ ሓሳዊ ጸረ-ሓቂ ወቃሪ ዘይኮነ ኣላሚ ሰነፍ መታለሊ ቆልማጽ ኣድሓርሓሪ ወረኛ ዓጣሪ.... እንተበልካዮ፡ ልክዑ ዶ ኣይኮነን ኣይዓብዮ ኣይንእሶ ኣይገፍሖ ኣይጸቦ መን ምዃኑ ዝገልጾ፧ ነውሪ የብሉን ክፋእ ንኹሉ ብሕብሩ መልክዑ ምጽዋዕ።
ኣቱም፡ ኣይትጻረፉ ትብሉ ትውርዝዩ ትምድሩ ኣበይ'ዩ 'ቲ ጌጋ ኣበሩ፧ ንሌባ ቍጥሚ ሰራቒ መላዓሊ ሸፋጢ ጓሓሊ.... ንወሽላኽ ሓሳዊ ጸረ-ሓቂ ወቃሪ ዘይኮነ ኣላሚ ሰነፍ መታለሊ ቆልማጽ ኣድሓርሓሪ ወረኛ ዓፋሪ.... እንተበልካዮ፡ ልክዑ ዶ ኣይኮነን ኣይዓብዮ ኣይንእሶ ኣይገፍሖ ኣይጸቦ መን ምዃኑ ዝገልጾ፧
ፈትሽዎ 'ቲ ጸገሙ =========== ርኣይዎ ኣምብብዎ ነዚ ቆልዓ ንኡስ ዕድመ ገና ጭልቅዕ ዘይበሰለ ተመኩሮ ዘይደለበ ሰነድ ታሪኽ ዘየምበበ ብህጻኑ ዝኾብለለ ዝዓበደ ዝሓመመ ጸቢብ ርእሲ ዝዓወነ ምስቲ ሰያብ ተጸለለ የውሪ'ሎ ዘይተገብረ ዘይተባህለ ዘይተዘርበ ተመሊኡ ብወያነ ብሃሱሳት ዕነምነ ኩሉ ግብሮም ተፈንፈነ ዝገርም'ዩ! መሲልዎ ዝፈለጠ ነዛ ዓለም ዝጨበጠ ተጨደረ ተሃውተተ ኣብ ሚድያ ተጓጠጠ ዓሻ ወደል መጉሃይ ሰቡ ገበነኛ ዝወጸሉ ሰብ ይብድል ዘይበደሉ እምኒ ይስንዱ ተገቲሩ ኣንጻር ሕጊ ትሓፍረሉ መሲልዎ ዘምሕረሉ ደንግጽሉ ጸልይሉ ምኸርዎ ሕለይሉ ፈትሽዎ 'ቲ ጸገሙ ገለ ምሕረት ተውረደሉ ዜጋና'ዩ መልክዕ ሕብሩ
ስደት ==== ናብራ ስደት ኣሽሓት ዘምብዐ ወርትግ ስቓይ ተባላዒ ኣምዐ ዝመረካ ግዜ ምስ ነወሐ ክብሪ ዜጋ ዝጨዊ ዝነፍግ ኣብ ሰንፈላል ዘብሊ ዘእርግ ዘእትወልካ ሂወትካ ዝርግርግ ቴንዳ UNHCR ኣየምውቕ ኣየዕቅል ስንቂ መቝነኑ ኣየጽግብ ኣየህጥር ሓገዙ ደገፉ ይትረፈና'ዩ ዘብል ሂወት ስደት ጸላኢና ይምበሮ ወትሩ ምዩቕ ፍርሒ ዝዓብለሎ ቅሱን ሂወት ሓጎስ ዝጎደሎ እታ ጸሓይ ትዓርብ ትበርቕ ጉዕዞ ስደት ሕልናኻ ይጽንቅቕ ዘየሕብን ክትጸውዮ ዘሐርቕ ግዜ ስደት - ክድመር ድዩ ክቝጸር ኣብ ዕድመይ ዝደወነ ተስፋ መጻእየይ፧ ኣይፈቕዶን እባ ይኸውን! ይኣምን'የ 'ቲ ልኡል ኣምላኸይ ዕምሪ ሂቡ ክድብሶ ልበይ
ገርዛማት ====== ወይ ድርቅና ፈጣጥ ድንቍርና ዘይብሉ መዘና ናይዞም ዑናሙና ልኡኻት ጥፍኣት ፈልሲ ግብዛት ዘይብሎም ብቕዓት መጺኦሙና፡ ብኤርትራውነት መንነት ዜግነት ክቡር ልእላውነት ክብርዙ - ድሙቕ ህላዌና 'ተዓቀበ - ብደም መስዋእትና 'ታይ ዝበለ ርእሲ ቀልቢ ዝተሓርሞም ብላሽ ፍጥረት መጻኢ ዘይብሎም ዘይሓስቡ ዘይርእዩ ኣዚሮም እወ ጸረ-ሰላም ስደት ዝበደሎም ደቂ ጭፍራ ዝተዋጃበሮም ዝጻወቱ ብሂወት ዕድሎም ኣእዱግ ንሓመድኦም ኩሎም ዝዓበዱ ዝገብርዎ ፍጹም ዘይፈልጡ ተኣኪቦም ጉድጓዶም ዝዅዕቱ ክንዲ ምምሃር ሂወት ምምሕያሽ ንምዕባለ ሓቢርካ ምቅላስ 'ታይ ፍሪኡ 'ታይ ረብሕኡ ጽልኢ ባእሲ ብመደብ ምዅስኳስ፧
ኣውራ መንጉዳ ======== ጓል ኤረይ፡ እስኺ ኣደ - እስኺ ሓፍቲ እስኺ ኣሚን - እስኺ ብጸይቲ እስኺ ልግሲ - እስኺ ስንቂ እስኺ ሓልዮት - እስኺ ፍቕሪ እስኺ ብርሃን - እስኺ ክብሪ ጐይታ መኸተ ዘይትድሃሊ እወ እስኺ ሓቦ - እስኺ ዕጥቂ እስኺ ታሪኽ - እስኺ ሓቂ እስኺ ጅግና - ዘይትህመሊ ዕጥቕቲ ስረ - ታሪኽ መስካሪ ጓል’ዞም ጀጋኑ ጓል ምድረ-ባሕሪ ብረታ ተልዕል ነቲ ወራሪ ንዳግመ ህንጻ ንጉሆ ትወፍሪ ኣብ ጸገም ራህዋ ኤረና ትብሊ ክብሪ ንዓኺ ብሰማይ ምድሪ ሃገርይ ኢልኪ - ዓወት ተግዝሚ ኩርዓት ወገና - ሓብሓቢት ባህሊ ቅዱስ ማህጸና - ሃብሮም ትፈሪ ፈታዊት ስራሕ - ወትሩ ኣብ ጻዕሪ እወ እስኺ ጎይታ መኸተ - ኣጆና ትብሊ ጽኑዕ ቅናታ ዘይትሕበሊ ኣውራ መንጉዳ - ኣብ ሰላም ወጥሪ ምሳኺ ይዅን እቲ ፈጣሪ ሕሰም መከራ መታን ክበሊ
ስደት ዝበደሎ ===00=== ኣየ ዘበን ሩቡጽ እዋን ዝበዘሖ ሃሱስ ዓዋን ኣንጻር ክብሩ ኣንጻር ሰላም እወ ሕማቕ ግዜ ደብዛዝ እዋን ኩሉ ይብል ኣነ ለባም ዘይከኣለ ጠባይ ምግባር ዘየስተውዕል ቀልቡ ባዶ ስነ-ስርዓት ዝወሓዶ ዓቕሊ እንጣጢዕ ቀጥዒ-ኣልቦ ከይብሉኒ ዝረሰዐ ተጃሃሪ ቀዳድ ሚሐ ኣድገ በቕሊ ዘይተገርሐ ሕሱር ፍጥረት ፓፓጋሎ ደጋም ቃላት ዝተባህሎ ዝጸልመቶ ቀትሪ ከሎ ኣጎናይ ውዕሎ ጂግና ዘየኽብር ክብሪ ሃገር ዝዘናጥል ሰብ ክትብሎ ዘጠራጥር ቀይዲ-በተኽ ዓቕሊ ሽሮ መንደረጋሕ ዓንደረቦ ሕጊ ስርዓት ዘይስቆሮ ብደንጎላ ብጭኳሮ በቲ ዱላ ብማርቴሎ ሰብ ዝብድል ዘይበደሎ ፍትሒ እንዳበለ ንፍትሒ ዝቐትል ቀይዲ-በተኽ ፋሉል ከም ኣድጊ ዝሃልል ስደት ዝበደሎ ኣብ ጫካ ዝነብር እሞ ነዝስ እንታይ ትብሎ ሰብዶ ኣጎናይ ትቖጽሮ ወይስ ጻህያይ ሕብረትሰብ ኣበሳ መንሽሮ፧
ታይ'ዩ ዕላማኻ፧ =========== ማይክ ሃመር ዝብሉኻ ልኡኽ ኣመሪካ 'ታይ'ዩ ዕላማኻ፧ ምልስ ምልስ መቐለ ሕግብግብ ምስ ወያነ እንታይ ዝዓለመ፧ ሂወት ወይን ንምስኳዕ ዕርቂ ሰላም ንምምጻእ ወይስ ሰላም ዞባ ምንጋዕ፧ መንዩ ትብል፧ መንግስቲ ኢትዮጲያ ዘካይድ ጉዳያ ብስርዓት ብሞያ፧ 'ቲ ቆልዓ በሻሻ ወያነ ሬሳ ወይስ እስኻ ኢኻ ቀሻ ትሃንጻ ተፍርሳ፧ ተዛረብ! ክፈልጥ ኩሉ ሰብ እወ መን'ዩ፧ ኣዛዚ ፈጻሚ ተንኮል ጥፍኣት ኣላሚ ዘቃትል ዘሎ ዘዳሚ፧ እስኻ ወይስ ልኡኻት ከማኻ ስሱዓት ሰብ ረብሓ፧ ትፈልጥዶ እስኻ ዘይብሉ 'ቲ መሬቱ ባሕሩ ሞት ዕንወት ባእሲ ዕልዋ መንግስቲ ... ከም ዘይብሉ ይነብር ጸጥ ኢል፧ መይትካ ትሕተተሉ ጉቦ ዘይትበሉ ሓቂ ትኸብረሉ ቤት ፍርዲ እንተልዩ እስኻ ፍርድኻ ዕጫኻ ግሃነም'ዩ ስፍራኻ 'ተኾነነ ብሰብ ፈጣሪኻ
