Dehai

ኩቡር ኣምባሳደር ኣብቲ ቦታ ሓደጋ ምስ በጽሓ ምስ ኤርትራዊያን ከሙኡ ውን ምስ ምምሕዳር እቲ ሓደጋ ዘጋጠሞ ህንጻ ተራኪቡ ተዘራሪቡን ዝተሰምዖ ዓሙቅ ሓዘን ብምግላጽ ነግዳያት እቲ ሓደጋ ጽንዓት ይሃብ ኢሉ።

ኣብ'ቲ ህንጻ ኣብ ልዕሊ ዝነብሩ ዝነበሩ ኤርትራዊያን ድሃይ ዘይተርክቦም ኩነታቶም ንምፍላጥ ኢንባሲ ሃገረ ኤርትራ ኣብ ዓባይ ብሪጣኒያ ብቀጥታ ምስ ዝምልከቶም ኣካላት ብቀጻሊ ኣብ ምዝርራብ ከም ዝርከብን ነቲ ጉዳይ ብቀረባ ይከታተሎ'ሎ።

ብተመሳሳሊ ዜና ሎሚ 16 ሰነ 2017 ንግስቲ ኤልሳጴጥ ዓባይ ብሪጣኒያ ካብ'ቲ ሓደጋ ዝድሓኑ ትዓቁበሙሉ ንዘለው ማእከል ክትበጽሕ ከላ ቀዳሜቲ ሚኒስተር ዓባይ ብሪጣኒያ ትሬዛ መይ ኣብ ሆስፒታላት ኣብ ትሕቲ ክንክን ንዝርከቡ ግዳያት በጺሓ።

ዛጊት በቲ ሓደጋ 17 ክሞቱ ከለው ካብ 24 ኣብ ሆስፒታል ትዓቁቦም ዘለው 12 ካብኣቶም ኣብ ሓደገኛ ኩነታት ይርከቡ።

ብዘካ'ዚ 76 ኣብ እዋን እቲ ሓደጋ ኣብ'ቲ ህንጻ ካብ ዝነበሩ 
ድሃዮም ጠፊኡ ከም ዘሎን ጸብጻባት ይሕብሩ።

እዚ ከም'ዚ ኢሉ ከሎ ካብ'ቲ ህንጻ ብመጥፍእቲ ሓዊ ህይወት ኣድሕን ዓባይ ብሪጣኒያ ሬሶኦም ተቃጺሉ ካብ ዝተረክቡ ዛጊት ናይ 6 ሰባት መንነት ጥራይ ተፈሊጡ ከም ዘሎን ካብ'ዚ ንላዕሊ ንካልኦት መንነቶም ንምልላዮም ኣጸጋሚ ኮይኑ ከም ዘሎ ኣገልግሎት ዜና ቢቢሲ ንፖሊስ ዓባይ ብሪጣኒያ ብምጥቃስ ሓቢራ'ላ።

እቲ ህንጻ ኣብ 1974 ከም ዝተሃንጸን 120 ኣፓርታማ ዝሓዘ ኮይኑ ካብ 400-600 ሰባት ይነብርዎ ምንባሩ ይፍለጥ።