Dehai News

<< Back

ቅነ ፈንቅል ቅነ ሃማድኤ - ብብወልዳይ ተኸስተ ካብ ከተማ ማንሃይም (ጀርመን)

Posted by: Dimtzi Eritrawian1 Kab German

Date: Monday, 02 March 2020





ቅነ ፈንቅል ቅነ ሃማድኤ

ቅነ ፈንቅል ቅነ ሃማድኤ
ቅንያቱ ቅንያት መፈንቅልዩ
ቅንያቱ ወርሓቱ ቁርሱ ፍትፍቱ
ቅንያት ወፍሪ ቅንያት ማእቶቱ
ንብርሃነ ኤርትራ ዉላዔ ሽምዓታቱ
መስተርሆት ኤርትራምስ ሓርነቱ
ፈንቅል ሰላሳ ዓመት በሊዓ
ዕድመ ጉብዝንኣ ኣብዒላ
ሽግ ሓርነታ ወሊዓ
ብመንያ ማሚቓ ማእኪላ
በተን ዝደበላወ ዝዓለላ
ኣብ ኪናት ዝደበላ 
እነዋለ መዓልተን ከብዕላ
መዓልቲ ደቂኣንስትዮ ንብዓለማ
ፈልቅል ብዘይ ደቅንስቲዮ ነይመተዓመ ዕማማ
ናይ ኤርትራዊት ኣሎ ፍሉይ ዝገብሮ
በየናይ ኦኣቕመይ'ሞ ክብርብሮ
ኣብ ኩሉ ስለዘይወዕልኩ ቲዉፍሮ
ኤርትራዊት ትገብሮ መን ይገብሮ
ኣብቲ ግቡእ መነባብሮ ዘይነበሮ
ዕጥቂ ጉዕዞ ምረት መጻዉሮ
ዝምድና መዳ ግምጋመ ሕድሪ
ተካኢኣ ክትወድ ከተፍሪ
ተካኢ ስለዘይርከብ ብዕድጊ
ዕሸል ተወሊዱ እንዳደታት
ፍጹም ዘይቀመሰሎም ኣጥባት
ዉልድ ኢሉ ኩሉፍ ብኪናት
ለዋህ ኣንዲያ ደኣ ከም ካልኦት ወልዳት
ራሕሪሓቶ ከይዳ ንድፍዓት
ሓይሊ ብጾታ ከተደልድል ግምባራት
ኣብኣ መስዋእቲ ምስ ቃንዝኣ
ዘይረረወቶ ዘየሰራሰረቶ ሓዲጋ ድሕሪኣ
ኣብታ ዕለተ መስዋታ ተደናፊቓ
ብኸምዚያ ኤርትራዊት ፍልይቲ ዘጸዉዓ
ኣብ ስደት ወሊድ ማህጸን ጸንቂቓ
ኣብ ክንዲ ዉላድ ደቃ ኣስኒቓ
መርገም ዘይትፈልጥ እንትርፎ ምርቓ
መን ኣሎ ኣብ በረድ ዝወጽእ ኣብ ቀዝሒ
ታኒካ ተሓንጊጣ ክትልምን ብዘይ ፍርሒ 
ክትሕምሽሽ ነቲ ናይ ጸላኢ ሸርሒ
ማዕረ ኤርትራዊት ከብዕላ
ቁንጣሮ ከምናታ ዘይገበራ
ናይ ኤርትራዊት ፍሉይነት ይበርበር
ብኹላትና ወገር ይነገር
ሰትናት እናበልዋ ሰብኡት ማሪኻ
እዚዩ ዘይተነግረ መዓርግ ታሪኻ
ትርግታ ልባ ሓደህርመቱ
ኣብ ዉሽጢ ይኹን ኣብ ስደቱ
ሃማድኤ ማሕበር ተመስሪቱ
ንጋሉ ወዱ ኣባልነት ማዕጽኡ ከፊቱ
ማሕበርዩ ዝበለት ብጥምረት ንስርሓሉ
ሰብእይናን ሰበይትናን እንከባበረሉ
ኩሉ ጾታ ማዕረ ዝዋሳኣሉ
ንወጽዓ ጋል ኣንስተይቲ ዝመሓወሉ
ብዝኾነ መለኪዒ ትምኽሕቲ ዘይብሉ
ነዚያ ኤርትራዊት ምስ ብጾታ በልያትሉ
ንእስነታን መጻኢኣን ከፊላትሉ
ኣብ መወዳእታ ዓወት ዝዓተረትሉ
በዚያ ከኣ ካብ ካልኦት ትፍለየሉ
ገና ናብርኣ ራህዋ ዘይረኸበትሉ
ኣብ ጠሓኒት ትዉዕል ኣላ ጠብጣቢት
ኣብ ጽርግያ ተቓሊዓ ቆናኒት
ብስግእ ዘይኮነት ብታሪኻ ነባሪት
እዛ መስትርሆ ንኹሉ ከኣሊት

   ዘለኣለማዊ ዝኽሪ ንሰማእታትና 
     ዓወት   ንሓፋሽ

  ወልዳይ ተኸስተ ማንሃይም


Back to Dehai News
Eritreafightscovid91
Eritrean Independence Day May 24 2020
See More Videos

Dehai Events

See More Events

Latest Posts

Conflict logo
D watch
Logo esmart