ቅልውላው ብልጽግና ጥርዚ በጺሑ። ዝምድና ትግራይን ኤርትራን እንተተማሓየሸ ንጉጅለ ብልጽግናን ወደስቶምን እንታይ ከብዶም ረገጾም? ወዮድኣ ንድሕሪት ተመሊሰ ታሪኽ ክዝክር ኣይደለኹን እንበር ምሕዝነት ትግራይን ኤርትራን ብመሰረቱ ኣብ ጎንጺ ክበጽእ ኣይነበሮን። ንሱ ንታሪኽ ተገዲፉ ሕጂ ግን በዚ ናይ ሰላም ጽምዶ ተበጊሱዎ ዘሎ ኣብ ሙሉእ ምትእምማን በጺሑ ሕማቕ ሕልሚ ብልጽግና ኣብ ልዕሊ እዚ ጽምዶ ብናይ ክልቲኡ ህዝቢ በርቲዑ ከፍሽሎ ኣለዎ። ተጋሩ ሕሉፍ ስርዓታት ኢትዮጵያ ኣብ ልዕሊኦም ዘውረዱዎ ጭቆና ዝርሳዕ ኣይኮነን። ኣብ ጽልኢ ስለ ዘይንበር ግን ሸለል ምተባህለ። ስርዓት ብልጽግና ዝኽተሎ ዘሎ መንገዲ ግን ካብቶ ዝሓለፉ ስርዓታ ዝፈጸሙዎ ገበን ብዓሰርተታት ዕጽፊ ዝገደደ እዩ። ኣቢይ ኣሕመድ ለመጭ ብዝዛረቦ ቃላት ህዝቢ ትግራይ ክታለል የብሉን። ከም ርእይቶይ ካብ ሕሉፍ ታሪኽ መራሕቲ ኢትዮጵያ ብምብጋስ ትግራይ ነጻ ካብ ምዃን ካልእ ዘዋጽኣ ኣማራጺ ዘለዋ ኣይመስለንን። ካብ ሕጂ ንድሕሪት ጥበራ ኣቢይ ኣሕመድ ኣብ ጉሓፍ ክድርበ ኣለዎ። ብወገን ኤርትራ ዓዘፍዘፍ ብልጽግና ካብቶም ቀዳሞት መራሕቲ ኢትዮጵያ ስለ ዘይሓልፍ፡ ግን ከኣ ስቕ ኢልካ ስለ ዘይርኤ ከከም ኣድላይነቱ መንግስቲ ኤርትራ መልሲ ከም ዝህበሉ ጽኑዕ እምነት ኣሎኒ።
